எல்லாம் தெரிகிறது எனக்கு - Ellam Therikiradhu Enakku Song Lyrics

Lyrics:
எல்லாம் தெரிகிறது எனக்கு எல்லாம் தெரிகிறது
மனக்கண்ணுக்கு முன்னாலே
ஒரு கண்ணாடியைப் போலே
அழகு எல்லாம் தெரிகிறது
எல்லாம் தெரிகிறது எனக்கு எல்லாம் தெரிகிறது
உயர்ந்து நிற்கும் மாமலையே
உன்னை மேகம் தொடுகிறது
கொஞ்சம் இறங்கி வந்தால்
நானும் தொடுவேன் ஆசை சுடுகிறது
ஓடிடும் ஓடையே பூமியின் ஆடையே
உன்னைத்தான் தீண்டிட ஏங்குது வாடையே
அழகு எல்லாம்…ஹா ஹா ஹா தெரிகிறது
எனக்கு எல்லாம் தெரிகிறது
நனைந்து நிற்கும் தாமரையே
எங்கும் தண்ணீர் வழிகிறது
பக்கம் நெருங்கி வந்தாய்
ஈரம் துடைக்க கைகள் துடிக்கிறது
நாளெல்லாம் நீரிலே நூலிடை நீந்துமோ
நான் அதைப் பார்க்கையில் என் மனம் தாங்குமோ
அழகு எல்லாம் ஹா…தெரிகிறது
எனக்கு எல்லாம் தெரிகிறது
திரண்டு நிற்கும் பால் நிலவே
உன்னை வானம் அணைக்கிறது
மண்ணில் தவழ்ந்து வந்தால்
நானும் அணைப்பேன் தேகம் கொதிக்கிறது
பார்வைகள் தேடிடும் பேரெழில் பிம்பமே
நீ எனை சேர்ந்த பின் வேறெது இன்பமே
அழகு எல்லாம் ஹா…தெரிகிறது
எனக்கு எல்லாம் தெரிகிறது
மனக்கண்ணுக்கு முன்னாலே
ஒரு கண்ணாடியைப் போலே
அழகு எல்லாம் தெரிகிறது
எல்லாம் தெரிகிறது எனக்கு எல்லாம்…ஹா